‏سيد منير‏__ ايه معنى الحنين

لما أسألك ايه معنى الحنين
وشمس النهار حاضنه الأنين
جوه قلوب خايفه تعود
خايفه من حضن الليل البعيد
ولحظه دفا فوق الجبين
مرسومه فوق شفايف بتبتسم
عطشانه م الفراق
خايفه من بحر غدار
يكتب على الموج الفراق
من موج عالى
يتكسر لحظه غروب
وحبات رمل متبعتره
كتبت كلمه بحبك
فوق شط الهوى
يحضن حروف اسمك
يا ترى
لسه فاكره حنان قلبى
ولا الهوى بعتر مشاعرك
لسه فاكره لمسه إيديا
وحضن دافى محتاجلك
لسه شايفه دموعى
بتكتب حروف اسمك
ممكن سؤال
ليه القلب حبك ؟
مكتوب على القلب يبكى
على العين تفرح
على الزمان يرجع
دا مستحيل
شيىء فظيع
لما الحنين يروى قلوب
عاشقه صمت السنين
الزمان يكتب حروف اسمك
تضحك معاكِ فرحتى
اتوه زى طفل
وسط الدروب
مستنى لحظه حنان
تعود معاها ضحكتى
بشتكى للزمان فراقى ولوعتى
لسه الحنين خايف يعود
يروى جداول قلب عاشق
لسه عشق السنين مكتوب
فوق زمانى البعيد
جوايا اكبر م الحنين
نهر النيل
جوايا أمل عايش عشانك
لو الليل الطويل بعد بعيد
و شمس النهارغابت اكيد
لو القمر خاصم حياتنا
لو اختفت النجوم
لسه الحنين موجود
خلينى أسألك
يا بدر فوق جبينى كبر
يا ليل خايف يعود
حبى هو الامل
لسه النهار عنيد
خلى الكلام ينطق مكانى
خلى الامل موجود
اشتقتلك
نفسى أعود
جوه حضنك
واحضن شفايف حاضنها الخوف
بتترعش ساعه الكلام
خلينى اقول
نفسى اكون
نهر حنان فوق وريدك
يروى عطش نبضك
تتأملى حروف اسمك
تكتبها مشاعرى
يلمسها احتياجى
وصوت نبضى
اقوى من احتمالك
خلينى أحبك
واضيع جوه قلبك
بقلم / سيد منيرعطيه