مسحراتى بقول واهاتى
حتى الحكاوى بلون جديد
.. .. .. .. .. .. .. ..
الناس نيام وانا في قيام
ادق بابهم لسحور سعيد
.. .. .. .. .. .. .. ..
قبليها قالو 30 في يونية
بزغ هلاله والناصر الله
وده كان اكيد
.. .. .. .. .. .. .. ..
اصل الحكاية كانت بداية
لبيع بلدنا
ونبقى احنا لهم عبيد
-------------------------
اصحى يا نايم
سحور ودايم
الرازق الله
والعزم فيكم
سلاح شديد
-----------------------
ايه اللى باقى
حتى السواقى
عماله تنحر
بقى في الحديد
... ... ... ...
شغالة يومها
ما حد جالها
لا فيها مية
ولا حتى مية
في البير تزيد
... ... ... ...
اصحى يا نايم
كفاية نوم
اصل الهموم
مستنيانا
ولا شفنا منهم
غير الوعيد
... ... ... ...
قالولنا نهضة
وجابولنا وكسة
من عمق بحرى
حتى الصعيد
--------------------
اصحى لسحورك
ما حد غيرك
هايصوم مكانك
وااااااااحد الرزاق
--------------------
يا شباب بلدنا
املنا فيكم
خليكوا دايما
صاحيين تمام
... ... ... ...
خلوا في بالكم
بلدنا غاليا
اياك تفرط
اوعاك تنام
... ... ... ...
ايد بتبنى
وايد بتحمى
وقلب خاشع
والليل قيام
... ... ... ...
رمضان حكاية
عندك يا مسلم
دا مرة واحدة
في كل عام
-----------------
اصحى يا نايم
وحد الدايم
رمضان كاااااااااااااريم
واااااااااحد الرزاااااااااق
المسحراتى الفصيح ، بقلم / عونى هشام
![المسحراتى الفصيح ، بقلم / عونى هشام]()
مراجعة بواسطة
عبده جمعة مدير تحرير رؤية قلم
في
8:41:00 ص
التقييم:
5
ليست هناك تعليقات