قلمى ، بقلم / سميرة الإسريجى

قلمى جانى بعد غيبه
كان وحشنى ياناس كتير

كان سايبنى وقالى توبه
ماكتب الحرف الجميل

إلا لما مصر تبقى أحلى مالاول كتير

قلتله ياقلمى اهدى
وأصبر الصبر الجميل

بكره جاى و هايبقى احلى
جى فيه الخير كتير

بكره ترجع مصر شابه
تلبس التوب الجميل

راح نلاقى بلدنا خضره
ونلقى فيها الخير كتير

طول مافيها الود بنا
طول مافيها شباب جميل

كل ايد على ايد تساعد
واللى قاعد مش كتير

بكره زرع الارض يطرح
احلى ورد بلون جميل

وتطرح الارض  السنابل
والحصاد هايكون كتير

ونزرع اللبلاب ويطلع
يحضن البيت الجميل

ونروى ارض الحب فرحه
والسعاده تكون كتير

والقلم يرجع ويكتب
والكلام يطلع جميل