صباح الخير علي عيونك ، بقلم / أحمد أبوشرخ

صباح الخيرعلي عيونك

يا حلوه يا يامصر

صباح نادي

علي ولادي

مين غيرهم يفرحني

يجيبلي النصر

صباح نادي عليكي

إنتي يادرة عصر

***********

يأجمل إسم أزين به

جدار القصر

ياأم الدنيا يابلادي

يافلة يامصر

صباح راجل رفع صوته

عشان بلده في وجه الظلم

صباح طالب

صبح غاضب

عشان بلده

عاشت في الهم

وقال لجلك

أبيع روحي

وزيح عنك

جبال إلغم

صباح إبنك وقف صامد

أمام النار ولا بيهتم

رصاص غادر رشق

صدره وسال إلدم

وشاف إلموت ماقال

الآآآآآآه وقال الله

رفاقي أهُمْ

هيخدوا إلتار

من الغدار

لهذا إلدم

وزاحوا هموم

في يوم معلوم

لمصر تقوم

كفايه ياعم

********

صباح الخير

علي عيونك

يا حلوه يامصر

صباح نادي

علي ولادى

ومين غيرهم

يفرحني يجبلي النصر

وعاشوا سنين

شباب تايهين

مابين ماضي

وبين بكرة

شباب حلوين

ومش يأسين

في صبح جديد

طالع بكرة

وفي الميادين

راحوا واقفين

مع الملايين

وقاموا صارخين

في كل وجوه

تكون عكره

زمانكم راح

معتش صباح

لكم بكرة

وطل إلخير

علي التحرير

مع التغيروبقي ذكري

لكل ابطال

دماءهم سال

عشان بكرة

صباح نادي

علي ولادي

إللي جابو النصر

صباح نادي

عليكي إنتي

يادرة عصر

صباح الخيرع

علي عيونك

ياحلوة يامصر

==========