شوفت الأيام ، بقلم / عبد الستار زيدان

شوفت الأيام ...

أقلام ....

بترسم خطوط ..

على وشّ جدّتي !!

شوفت الأيام

ميت دراع ..

لإخطبوط ..

بيوجه بيها . دفّتي

شوفت الأيام ..

يا غُلام ..

متساوية بالمغلوط ..

و الغلطّه دايماً .. مش غلطّتي !!

شوفت الأيام ...

الكبرى .. ثقب ابرّه

و عالم .. زغنطوط !!

و أجمل ما فيها .. عودتي

شوفت الأيام ..

يا مدام ..

الحلال فيها . مشروط ..

و أغلى ما فيه .. مودّتي

شوفت الأيام ....

ربيع و أفنان ...

بحب الرّمان .. مربوط ..

و الشقى دوّب .. جتتي !!!

شوفت الأيام ...

يا سلام ..

على جناح حمام ..

و صاحب الأخلاق .. موروط ..

و الناس بتتسلى .. بسمعتي !!

شوفت الأيام !!!