من دلوقتى مسموحلى
أطير اول ضحكة لحد سماكى
وأمش وانا فارد روحى ومطمن
إن مافيش ولا دمعة خوف
هاتغمى عنيا سواد
او تمنع قلبى انه يعدى
عليه الفرح
او واحد يجرى ياخدنى فى وشه
ويسرق احلامى
ويدوس على قلبى
لحد ماينزف دم
أنا حر ومتحرر
من يوم مارفعنا رايات النصر
الله عليكى يا مصر
على جيشك
على شعبك
وشبابك اللى بيحضن
كل عيون الخلق
كل القلوب الطيبة اتجمعت
ولا حد تانى هايفترق
جوه الميدان
قسيس وشيخ
فارشين أمان
وطالعة زغاريد الفرح
تبدر غناوى فرحتك
وسط الزحام
أحنا عشانك موجودين
ودمنا فدا لروحك
لمينا فى دفا قلبك
وأرسمى ف عيونا ضىّ
خلى الامل فى حلمنا
وبكره اللى جاى
ليست هناك تعليقات