انا مصرى بقلم / حلمى قاسم
انا مصـــــــــرى انا قناوى
انا منك ودشنــــــــــاوى
بحب الحـــــرف والكلمه
لفن الشعــــر انا غاوى
انا عاشق تراب بلـــدى
لاسم مصــــر انا هاوى
حنينـــــــى ليها ولنيلها
وبفـــــــرح لما اغنى لها
طبيب لجروحها انا مداوى
بحب اسهــــر فــ لياليها
شباب صحبه على قهاوى
وبتمشى فـ حــــــواريها
اتــــوه وانسى لفين ناوى
فـ كل حته تلاقينـــــــى
انا القصه انا حكــــــاوى
انا اصلــــــى منها واليها
وكلــــــــــى ملك ايديها
ولــــــو تسألنى انا اقولك
انا اسوانـــــى انا قناوى
حقيقى اصلى مش بكدب
ما انا سوهاجى وطهطاوى
فــ كل شبر انا ساكـــن
انا اسيوطـــــى ومنياوى
سواقى بلادى اهى دايره
ما انا فيومـــــى بنهاوى
بتروى ارضها الخضــــره
بنى سويفــى وجيزاوى
انا عايش علـــى خيرها
دمنهورى وبحــــراوى
كمان حلوانـــى بعشقها
محـــــــلاوى وطنطاوى
بروحى افديها واحرسها
انا سويســــى وسيناوى
عشقت البحـــر بمبوطى
دمياطى واسمعــــلاوى
انا التاجر انا الفــــــــلاح
بورسعيدى وشــــرقاوى
انا الحارس انا الجنــــدى
انا منوفى وكفــــــــراوى
انا الــــــرمله انا الشطأن
انا اسكنــــدر ومرساوى
انا المــــرسى انا العنوان
انا كايــــــــرو وقهاراوى
انا ام الدنيا دى حياتــــــى
وحياتى قصادها ما تساوى
حياتــــى قصادها متساوى
ليست هناك تعليقات