ظول عمره زي الهرم ، بقلم / سامح لطف الله

فواح يا ريح الندم
دمك يا مصر اتبعتر
والجرح ينزف ألم
والحلم ما يتفسر
شيطان وطالع هنا
في القلب بيكسر
وعجيبه ياابن البلد
تحرق وبتكبر؟
منين تجيب قوتك
وعودك الأخضر
شربت من صدرها
وف نيلها بتعكر؟
أخوك بيحمي البلد
وتقوللي دا عسكر؟
لو حتي زقك بشر
بالعقل هتفكر
إحمي جدار ثورتك
دا الأجنبي إتمصر
هزيته يوم طلعتك
وف عينه راح تكبر
المصري زي الهرم
ليه عايزه يوم يصغر؟