حمد الله ع السلامه يا مصر : بقلم / حلمى قاسم
*******
لمى الــــولاد لمى
وكبرى وسمــــى
اشتقنا لحنانــــك
مدى الايدين ضمى
لبى الندا عـــودى
يا غنوه على عودى
احلف بمعبــــودى
بهــــــواكى يا امى
يا طاهره يا طيبــــه
يا بعيـــده وقريبه
ف القلب شايلينك
والعين وف الننى
يا حلـــوه يا سمره
يا شمس يا قمره
بعـــــدك بيكـــوينا
ويشعلل الجمــره
زيدى خطاويكـــى
اشتقنا لعينيكـى
بالشوق بنستنى
ونغنـــى غناويكى
خطى الصعاب عدى
يدك علــــى يدى
لو مين وقف ضدى
هافديكى انا بدمى
**********
قلم/حلمى قاسم
ليست هناك تعليقات