الـــفـــراق الاخير ، بقلم / احمد دفاع

يا زارعه وردك فى ارض غيرك

انتى تربى وهو يجنى خيرك

والاسم انك بتذلى فيهم وتعلميهم

وهما اللى بيذلونا بتقدمهم

لو كنتى فاكرة اننا ممكن نعود

يبقى بتطلبى من الميت إنه للحياة يعود

بـ إديكى انتى علمتينا الجحود

اوعى تلومى اللى حلمه الفراق

او اللى اتنزعت من قلبه الاشواق

اصلك انتى اللى زرعتيه جوانا

وانتى برضوا اللى روتيه بدمانا

فكرى ازاى تربى جيلك الطالع

يمكن يكون لصوتك وامرك سامع

اما انا ف متنتظريش انى ارجعلك

حتى لو شديتنى وشوفت دمعك