رسالة من عمو بهاء المسحراتي (3) : بقلم / بهاء الدين بدوى
رسالة من عمو بهاء المسحراتي (3)
~~~~~~~~ * ~~~~~~~~
مسحراتي داير يخبـــط
على كــــــــــــــــل دار
فيه ناس حياتهم خيـــر
وناس وجودهم عــــــار
وناس قلوبهــا نـــــــــور
وناس قلوبهم نـــــــــار
وناس كلامهم بلســـم
وناس بترمي شــــــرار
اسمع كـــلام الخبيــــر
دي الخبرة ليها اعتبــار
واللي مالوهش كبيـــر
حيعيش حياته في مرار
وبوس ايدين أســتـاذك
واعمل له ألف وقــــــار
وكل صاحب ســــاحب
إبعـــد عن الأشــــــرار
إياك تخون اللي خانـك
خليه يعيش محتــــــار
وحذاري غـدر الزمـــان
طبع الزمن غــــــــــدار
والدنيــــا مش بتــدوم
وفيهــا ليــل ونهـــــــار
بالذكـر عَمّـــر قلبـــــك
وصلي ع المختـــــــــار
~ * ~ * ~ * ~ * ~
ورمضااااااان كريم ..
ليست هناك تعليقات