يا سامعين الصوت ، بقلم / أمل على

يا سامعين الصوت اسمعوا

يا للي ولادهم في بلاد الغرب عم يتفسحوا

بيكفي بقى لأوصالنا تقطعوا

بيكفي حرام عليكم بضميركم حكموا

تحت راية السلام للقتال ولادنا عم تدفعوا

بيكفي بقى كذب وتدجيل علينا تشرعوا

كل يوم وكل ساعة بفتوى جديدي بتطلعوا

وافكار شبابنا السم منكم عم يتجرعوا

بيكفي بعقولهم شريعة الغاب تزرعوا

بيكفي تحريض على القتال بكل لحظة

قنبلي موقوتي هون وهونيك بتصنعوا

بيكفي بالاكاذيب المكشوفي تتذرعوا

بيكفي تاجيج للنعرات الطائفيي

على ولادنا توزعوا

بيكفي خافوا الله بهالعباد

اللي بسلاح الحقد والضغيني

انقتلوا واتجرحوا

ليش هيك عم تتصرفوا

كله عشان مع العدو تتصالحوا

طيب روحوا لديارهم هونيك اسرحوا

وامرحوا وللعدو بايعوا

بيكفي زهقنا اقاويل واكاذيب

وانتوا على المراكز والكراسي نتتقاتلوا

فكركم نحنا شوية مجاديب مش فاهمين

شو عم تعملوا

ياللي تحت راية الإسلام والدين عم تتجادلوا

بكرا يوم الدين لما لعند ربنا ترحلوا

برئيكم نبينا محمد والامي والصحابي

.............الكم حيتشفعوا...........

خافو الله بولادنا خافوا الله

ولضميركم ودين الإسلام ارجعوا