سنابل الأمل بقلم / محمد الشرقاوي

سنابل علي الترعة
مليون حرف طرحـة
بسمة أمل وكلمـة
ولحن متبوع بغنوة
قلبي أنا عاشــــق
لعيونك القمـــــــرة
والنجم بوريدي هايم
طارح اسمك شجـرة
بتجري مع دمـــــي
بتجدد لي بكـــــــره
معاكي اسهر أغني
وبيكي يزول همي
وارسم من عيونك الضحكة
اسرح أناديكي
وعيوني فدا عنيكي
الله عليكي يا سمرا ياخضرا
يالون الطمي والخضرة
رجعت أنا ليكي
منايا أموت فيكي
ومهما طالت الغربــة
مالي أنا غيرك
نابت أنا من خيرك
دمي من نيــلك
يامصر يا طاهـــــرة
فداكي انا وناسي
ونفسي ترخص لك
وتعيشي انتي حرة
يا مصر ياغاليــــة