( فى السـوق ) بقلم : عزت خفاجه
هنا فى السوق
زحمه وهيصه ولمه كتير
وكمان ناس واقفين طوابير
واقفه حيارا من التغير
اسعار طالعه بشكل خطير
والناس تايهه حرام يا كبير
يا نهضه مصيرها كان تقطير
عيش وكرامه فى قلب البير
ودم شبابنا طَرحو شعير
هنا شوف واحده
قاعده فى جنب تبيع جرجير
وبتتكلم ع التحرير
اطفال راحو من قطر ضرير
وديه علامات للتحذير
إننا نرضى بأى مصير
ونطاطى لحبه صراصير
ولا واحد من حقه يغير
ولا يرفض كلام الدساتير
أصل حاكمنا بطبعو أمير
أه لو يبقى عندو ضمير
أنا مش فاكر
إذا كان مرسى ولا سمير
هنا فى السوق
قامو ينادو لازم تطهير
لازم نعرف كل حقيقه
بدون تشفير
هنا فى السوق
كل الشكر لمجله رؤيه قلم لمجهوداتهم البنائه
ردحذف