مرّمرينا بقلم / محمد حسانين

مرّمرينا مرّمطينا
هاتى آخرك يا مدينة
فيكِ الحكاوى آخر عجب
فيكِ إل هاوى وإل طلب
فيكِ إل باع ..فيكِ إل ضاع
فيكِ إل شارِى فارد دراع
وفيكِ إل خان أموره عجب
بحلم بوردة وف عينى دمعة
دمعة حزينة و إبتسامة وداع
حتى دموعك آخر عجب
آه منك يا مدينة
مرّمرينا
ناس تحسب الراجل شنب
ناس الحب عندها بالطلب
ناس أمورها آخر عجب
إحترت معاكى وإحتار دليلى
يا مدينة العجب
مرّمرينا
أصلِ فلاح مش أرارى
معرفشِ أخبى معرفشِ أدارى
حبيت مرة وقولت آه
مخدتش من الحب غير الآه
إديت حبيبتى قلبى وعقلى
حب ولا غباء الجرح مش ذنبى
وفيت لقليل الأصل الوفا طبعى
آه منك يا مدينة
مرّمرينا
يا مجننانة يا محيرانة
ما تهدىِ بقا ليه مغلبانة
إتعبينا مرة
ريحينا مرة
مش كل مرة
تمرّمرينا وتمرمطينا
وتدوقينا دومعِك المرة
يا مدينة يا آخر عجب