حكاية بقلم / مني فتحي

طيب هحكي حكاية طويلة

وكل حكاية وليها ظروف

و اوعى القلب يموت م الخوف

ح حكى عليك و احكى عليا

واحكى عن الزمن الملفوف

قالوا اللي يعيش فيكي يا دنيا

بشرط يلف ياما يشوف

قلت آلف وشفت يا دنيا فيكي بدال الصنف ألوف

اللي بيكدب واللي يغش واللي بيتكلم ع الناس

واللي يبدل 30 وش من غير ولا ذرة أحساس

واللي خيالة يألف كدبة مالهاش عقد و لا أساس

واللى بيأذي الناس بلسانة واللي بيتفرج في مكانة

واللي خجول علي طول مكسوف وشه كمان حتى بيحمر

واللي كلامه ما فيه الخير كل حروفه كتلة شر

واللي تقول منهم يا مغيث جاهزين ديماَ للتنغيص

واللي بيرسم واللي يخطط.. ويرتب كله علي هواه

واللي عبيط عمال يتنطط..راسه ما تعرف أية جواه

والمخلص عمال يتخبط ..و الحق يا دنيا خلاص ناه

آه يادماغي تعبت خلاص

نفسي أشوف ناس غير الناس

أصلي تعبت وقلبي تعبني

خايفة يموت فيه الاحساس

لكن برضة يا دنيا بقول

فيكي الطيب والمقبول

واللي رحيم ع الناس وبيدي

واللي بينسي الأسا ويعدي

واللي قلوبهم زي الماس

واللي كريم مخلص حساس

واللي طبتهم بتقويك

واللي ضعيف محتاج لإيديك

زي ما فيكي الشر يا دنيا الخير فيكي أكيد موجود

ربنا زي ما ترك الظلـــم خلق العدل ما لهش حدود