عاشقة القلم ..... بقلم / سميرة الاسريجي

بقلم / سميرة الاسريجي

 

ِعاشقه القلم
عاشقه القلم
وعاشقه رسمه للحروف
عاشقه القلم
لمابيتحدى الظروف

 

لما يقول الحق
من غير اى خوف
ببقى انا عاشقه القلم
لما يكون صوت للضمير
ويكسر الصمت الطويل
لما يعدى المستحيل
واما يكون صبره جميل
ببقى انا عاشقه القلم
لما يشاركنى المحن
لما يكون لحن الشجن
لما بيدينى الحنان
والامان من غير تمن
ببقى انا عاشقه القلم
لما بيمسح دمعتى
واما بيرسم ضحكتى
واما يكون عايش معايا
فى كل خطوه فى سكتى
ببقى انا عاشقه القلم
عشقاه لانه كان وفى
اصعب ألم بيه يختفى
عشقته لما كان عفى
يمسح دموعى
لما شموعى بتنطفى
عاشقه القلم
لانه عمره ماانكسر
عشقاه لانه عاش بطل
عدى بسنه ع الخطر
ولا خفش من كل البشر
عشقته لما كان بشوش
قادر يفرح الوشوش
يصنع لوجه الخوف رتوش
انا ماانسهوش
مفيش جويا سر واحد
للقلم ماقلتهوش
لان انا عاشقه القلم