بحلم بقلم : (سميره الاسريجى)

 

 

بحلم ببكره لما ييجى يكون نضيف
مفهوش لاكدب ولا خداع ولا تزيف
وان الفقير لما يجوع يلقلى الرغيف
والقوى ممكن يكون سند الضعيف
بحلم انا
بحلم الاقى ان الامان مالى المكان
وانى الاقى العدل موزون بالميزان
بحلم الاقى ان الضمير صوته اتسمع
وحقنا اللى اتنهب جه واندفع
بحلم انا
بحلم الاقى الشرع حاكم ارضنا
شرع الاله مش شرع واحد مننا
بحلم انا
بحلم يامصر بايدى تمسح دمعتك
وبضحكتى اقدر اطلع ضحكتك
واقدر ازيح كل الصعاب من سكتك
بحلم يامصر بطلتك
تطلع بنور الشمس تحضن رملتك
بحلم انا
بحلم بحضن الام تانى يضمنا
وبايد حنانها بالمحبه تلمنا
بحلم انا
انى اكون رمز السلام
وابنى يكون فارس همام
يرفع رايات العدل
فعل و مش كلام
بحلم انا
بحلم انا وحلمى بسيط
القى الدوا فى ايد المريض
وانى اعيش فيكى بكرامه
وكمان تعود فيكى الشهامه
بحلم انا بالابتسامه
== وترجعلنا يامصر تانى بالسلامه ==
(سميره الاسريجى)
(ماما نونه)