قرار فى الغرام بقلم / سميره الاسريجى

 

 

 

 

 

 

 

 

 

 

قرار فى الغرام
---------
بحلف ويمين مش عادى
انا قلبى قفلته بايدى
و اللى هايقرب منه
فى الحب هايبقى شهيدى
قلبى و ملكته بايدى
وقفلت الباب لوريدى
لاهاتطلع منه مشاعر
ولا يضعف من تنهيدى
------
احاسيس قلبى محميه
منا اصلى عزمت النيه
حبى هاخبيه فى عنيه
شراييى كمان قوتها
دقات قلبى هديتها
من نار الحب حمتها
منا بحفظ ليها كرمتها
---------
لاانا هاهرب مالمكتوب
ولاهاسمح قلبى يدوب
ولا نار الشوق تكوينى
ولاقلب جرىء ياذينى
بحلف ويمينى بدينى
من تانى هاعيد تكوينى
----------
انا قلبى ماهوش سناره
ولاسمكه فى صيد بحاره
ولغدر الحب انا عندى
يجى ستين الف اماره
لقلوب قاسين وقويه
فاكرين الغدر شطاره
-------------
كام عاشق بقى مدبوح
والقلب ان كان مفتوح
هايضيع فى العشق خساره
-------------
قصص العشاق حفظاها
وجروحه كمان عرفاها
والظلم اللى فى حكاياتها
شد مشاعرى وقوها
اصل المساله حسباها
قرراتى كمان حسماها
نار الاشواق لاتقرب
ولا قلبى يدوب فى هواها
----------------
سميره الاسريجى
(ماما نونه)