رباعيات .. ( أحوال ) .. بقلم / بهاءالدين بدوي‏

 

الخضــر قتـل الغـــــلام
وموسى كان محتــــــار

فيه ناس حياتهم خيـــر
وناس وجودهم عــــــار

وناس قلوبهــا نــــــــور
وناس مشعللة نـــــــار

وناس كلامهم بلســـم
وناس بترمي شــــــرار

عجبي ..

....................................

اسمع كـــلام الخبيـــر
دي الخبرة ليها اعتبــار

واللي مالوهش كبيـــر
هيعيش حياته في مرار

وبوس ايدين أســتـاذك
واعمل له ألف وقــــــار

وكل صاحب ســــاحب
إبعـــد عن الأشــــــرار

------------
عجبي ..