يعنى ايه كلمة وطن :بقلم / عزة فراج
يعني إيه كلمة وطن
يعني شعب من حديد
يعنى إيد ماسكة في إيد
احنا شعب له عزيمة
يعني حب وطيبة فينا
شعب من قبل الميلاد
عاش بيبني من سُكات
اللي خانوا دول فئات
واللي جاي هيكون ثَبات
يعني إيه كلمة وطن
يعني أُم وحُضن دافي
يعني أخ لأخوه يواسي
يعني لقمة عيش لناسي
يعني أصالح قلب قاسي
يعني ايه كلمة وطن
يعني حرية أماني
يعني صدق في المعاني
يعني و او .... وط ..... ونون
كلمة يتهز لها كون
لو قِسيت ارجع حَنون
دم ناسك ليه يهون
هو دا معني الوطن
أيوة دا معنى الوطن
ليست هناك تعليقات