""" يالله بقى"""" بقلم : محمود وحيد

يا ضى النهار إطلـع
واكشف ظلام الليـــــــل
واشفى حزين مجروح
داق المرار والويـــــــــــل
أطرد سواد الهـــــم
واهدم قلوع الغــــم
وامسح دموع الخـــوف
من قلب كل ذليــــــــــل
==============
لملم جموع الخلق
على نصرة الأوطـــــان
وارفع رايات الحق
فوق هامة الطغيـــــان
سلسل شيطان الغى
واصرخ وقول أنا جــــاى
راكب جياد العدل
أروى اللى كان عطشان
===============
يا ضى وسط غيوم
بين الغيوم عـــــــــــدى
من غير عتاب ولا لوم
إمشى وما تهـــــــــــدى
داعب غصون الشجر
واحضن يا ضى الزهر
وانده طيور السمــــا
على غنوتــــــــــى ردى
================
إبنى اللى داب وانهار
وازرع يا ضــــــــى الارض
واقطع على الفجـــــار
حيل الخداع والصــــــــــد
كبل إيدين الغــــــــدر
واكتب فى أول سطر
اللى يخون الوطــــن
ذى اللى خان العـــــرض
...................................