عارف ...... بقلم / طارق فوزي

بقلم / طارق فوزي

 

عـــــــــــــارف

عارف يا حبيبتي عارف
... عارف ان مش فارس احلامك
ولا عمري جيت في منامك
ولا شمعة تنور ادامك
عارف انا عارف
عارف ان مش بإيديكي
وان قلبك قاسي عليكي
رغم الرقة اللي في عنيكي
ورغم حبي كلي ليكي
انما برضو عارف
عارف ان قلبك صعب المنال
وان حبك شيء محال
رغم كده قلبي ميال
ولو بعدتي عني أميال
عارف انا عارف
عارف ان الحب مش كلام
وان النظرة معناها سلام
عارف يا حبيبتي عارف