{{ بندهـّ ع الفرحة }} بقلم \ سـحـر جمـال حـبـيـب

 

رغـم الحزن الساكن .. ضلّي
و الجــرح بينــزف و تمـللي
أضحك .. و اتصبر لــو يمكن؟!
انــده ع الفـرحة بتضحكلي

و أقول جايز .. لــو تلاقيني ؟!
قلبى حزين .. و الفرح ناسيني
مهما حا تعطف مش حا تعوض
حــــزن العمــر و مــر سنـيني

استنىَ الفــرحة .. تعوضني
اللي آسيته بــِ لحظه حنـيـن
بنده ع الفرحة .. مـا بتردش
و استنيتها سنـين و سنـيـن

قولي يا دنيا و ردى عليّة ؟!
بين الفرحة و بيني فيه ايه ؟!
كل ما اقرب ليها .. بتبعـد
ليـه بتـزيد فـِـ البعـد دا ليـه ؟!

حافضل انادي بعلــو الصـوت
و اكتـب ليكي كتيـر مراسيل
لجل الحـزن فــِ قلبي يمـوت
تطلــع شمس فـِـ عــز اللـيل