( وخداكى الغربة منى ) بقلم / وائل عبد المنعم

 

 

لسة وخداكي

الغربة مني

ولا أنتي

مش ناوية الرجوع

وحشاني يللي

وخداني مني

وحشاني واسألي

عني الدموع

طب لسة فكراني

ولا عايش أنا مخدوع

الصبر في غيابك

خلص مني

كملت انا صبري دموع

وصبر ايه ده اللي يستحملني

ما داب صبري وياالشموع

من كام سنة

ولسة أنا مستني

وتعبت أنا

من حيرتي وظني

رجعالي ولا ..

.قلبك ماخلا ..

ليا مكان

فكراني ولا ..

زماني ولي .....

واتغير الزمان

لو لسة ليا فــــ قلبك نصيب

أو حتي لسة شايفاني حبيب

قولي غايبة ليه

هو اللي يحب حد عنه يغيب

غايبة ليه

وانتي اللي عارفة

روحي من غيرك شريدة

وامانة عليكي مش خايفة

لتطلع روحي في تنهيدة

وائــــــل عبدالمنعم