معنى الحب ..... بقلم / مشيرة محمد

 

بقلم / مشيرة محمد

معني الحب
الحب مش حرفين
الحب مش قلبين
الحب مش عذاب
مش اغنية لثومة
...

هو صحيح الهوي غﻻب
الحب أكبر من مساحة الكون
صدقني بجد مش جنون
كل همسه بتهمسها
كل لمسه بتلمسها
بتشعل النار في القلب المكنون
جوه ضلوع الشوق مداري
باشجار الخريف ومش هاوي
يطلع للسما السابعة
وما يعرف ينزل تاني
اصله حنون
بيعشق كل تفاصيلك بجنون
من غير عيون بيجيلك
اصله عارف سبيلك
بدون بوصله أو تليفون
الحب عندي
مش اشعار
تكتب ... تتغني...وتحتار
وﻻ سهم جوه القلوب راشق
وﻻ نقش علي جذوع الشجر العاشق
وﻻ صورة في مربعات مكسورة
ومين المقصود مش فارق
الحب مش سهر الليالي
تعشق القمر وتداري
ولما يغيب
تغيب البسمى
وع الفرح تدور ليالي
الحب اكبر من مشاعر
طير مهاجر
راجع لعشه وحالف ما يغادر
اصل الغربه
مش غربه وطن
الغربه أكبر مت المحن
الغربه في قلوب
تفتكر انك مالكها
وتسكن
الحب مش كﻻم وخﻻص
كل اللى قلته إحساس باخﻻص
ﻻ عرفت اوصف وﻻ اقلك
بس نفسي اوصلك
الحب وحده القادر
يصنع معجزات
يصحي القلب اللي مات
واللي شاب
يرجع شباب من تاتي
الحب باقي مش فاني
يخلي البسمة فوق الشفايف
وضحكة العيون من غير شجون
تلمع وسط الكون
تسمع تسابيحها
والطير يرددها
وصداها يشق كل سكون
حتي قلبي الصغير
لما سمعها
ركع لرب الكون