كفاية أحزان بقلم : محمد صبحى عمران

 

أحزن جوة الحزن و أعيش العمر حزين

لو شفت فى يوم الحزن أصبح لحبيبى رفيق

أحزن و أموت من الحزن ويكون الصبر قريب

لو ألمح بس الحزن فى عيون أعز حبيب

أما عيونك يا حبيبى الفرح فيها أكيد

وان صبها فى يوم الحزن عيونى تبقى بديل

وتنامى يا حب العمر غطاكى رموش العين

وجوة القلب منامتك ووساتك الرئتين

والدم ال فى عروقى غسيل للقدمين

د أنا من غيرك ياحبيبى بتكون الثانية بليل

أموت يا حبيبى م أشوفك باكى ع الخدين

وأبيع حياتى عشانك و لا أشوف دموع العين

يا حياتى بأكون من غيرك انسان ضايع وشريد

واتمنى العمر بقربك جوة احضانى أكيد

والفرحة تسكن قلبك والحزن يمشى بعيد

ادعى بس لربك وهو فرجه قريب

يجمع قلبى بقلبك و أنا أعيش العمر سعيد

يجمع حبى وحبك والفكر يمشى بعيد

والحزن يضيع من قلبك ونعيش عمر جديد

أتهنى برقة قلبك وكفاية يا حب وعيد

وكفاية علينا أحزان وكفاية فكر شريد

أدعوك يارب الكون بجوارها تبقى قريب