ياسفينة مين يقودك
مش هو موالنا
المهم تقيمي عودك
وينصلح حالنا
مين اللي خان وعودك
و كان سبب فـ اللي جرالنا
اللي قال بالحب راح اقودك
ومن جواه للخوف قاصد
يغيرنا
اااااه يا بلد قومي إنهضي
وبدلي خوفك
يامصر يالا ارجعي
ومتتحججيش بظروفك
شايفك بتتأخري
وتتلخبطي فــــــ حروفك
شايفك راجعة تاني
تتعلمي العد فــ كفوفك
فين مشروع نهضتك
اللي اتوعدتي بيه
ولا اتسرق منك ثورتك
وضحك عليكِ البيه
كان بيتودد لينا
لاجل ياخد أصواتنا
والنهاردة بعد ما نجح
رفع صباعه يسّكاتنا
كان فاكر ان خوفنا
ممكن يبقي لينا صديق
ناسي يوم مـ اختارنا
25 يناير للحرية طريق
يابلد فيكِ الوجع
يخلي الصحيح عيان
يخلي المفتح فيكِ
يرافق العميان
يوم ما يسيب ثورته
ويصدق الإخوان
ساعتها هيبقي الاسد
.. واحد من الخرفان
لا رضيتي بـ اللي فسد
.. ليه ترضي بالهربان
خلاّكي تمدي ايدك
.... للي ملهوش تاريخ
لو ترضي عبدك ..
يبقي سيدك ..
تستهلي التوبيخ
دانتي سفينة العرب
والكل فيها ركاب
يا سفينة لو تغرقي
راح يغرق الركاب
مصر يأم الدنيا
وست الكل فوق روسنا
فاكرين خيرك علينا
وشايلين العشق
فـ نفوسنا
يابلدي اغفري قسوتي
دانا بقسي علي روحي
خّليتيني نسيت ثورتي
وبقيت ببكي علي جروحي
يامصر قومي انهضي
رجّعي المجد لحروفي
خايف عليكِ
ونفسي امسح
دموع عـ الخد من خوفي
غيري تنظيم
كان بيقول
عـ النظام فاسد
فـ الأصل هو عقيم
ولا عمره كان راشد
جاي يبني فـــــيكِ الهد
... كداب وطبعه العند
لا ألمه صرخة موت
دا بوصفه غليض الجلد
لا همه سجن وموت
ما هو مـ السجن هربان
ولا قطر لما يفوت
يقتل فـ أطفال برئان
يا مصر قومي انهضي
ونفضي توبك
يا سفينة لو تغرقي
ده يبقي مكتوبك
يارب بحق الحرم
والمسجد الأقصي
يـأهل الجود والكرم
بيّن لها مرسي
دا الشمس وايا القمر
دخلوها يوم ساجدين
و 11 مــــ الكواكب
بقو أيه ليوم الدين
يومها لكل البشر
كنتِ بتتعطفي
بقمحك
لو هترضي بالي غدر
ما هقدر فـ يوم
أسامحك
مزقي توب الفقر
واتزوقي بالغني
فـ ملامحك
إفتكري معني الفخر
ورجّعي حمي الميادين
وان كنتِ ناسية يا مصر
يكفيكي صلاح الدين
يوم ما قاد السفينة
ورسيتو سوا في حطين
يومها رجع الأقصي
وبكي علي قبر كل
شهيد
ودلوقتي قبل ما انسي
بكيتي كام
فـ بورسعيد
** مصر سفينة العرب ** بقلم / وليد يوسف
مراجعة بواسطة
Unknown
في
1:44:00 م
التقييم:
5
ليست هناك تعليقات