سيرة البحر .... بقلم / سيد نصر

بقلم / سيد نصر

 

كل ما أجيب
سيرة البحر
جسمي بيقشعر
الناس بقت في
موجة الحر
...

لازم تصيف
هوجة وبقت
موضة
العيال
تكون بيضه
تغيب يومين
ترجع سودة
كنت فين
ياصميدة
كنت بصيف
مش زيك
متقريف
يابني هو إنت
فاكر
لما تروح يوم تسافر
ده يبقى تصييف
ده اسمه تزييف
الواحد عشان يصيف
لازم له عل الأقل
خمسة ايام
بعيد عن العيال
ونكد المدام
المهم ياسيدنا
العدوى جابتنا
ورحنا لواحد قريبنا
جهز لنا اوضة
وكانت ليلة سودا
وكنا للأكلان صيدا
وجه صاحبنا للفصل
بين القوات
مع الابتسامات
والاعتذارات
الصباح رباح
نشوفلك حتة براح
واحنا بنبصبص في
البلكونه
مرت علينا بنات حلويات
ضحكو لما لمحونا
وراهم يااخوانا
ها نكمل ع الشط
الثمانية المجنونه
ويادوبك ها نحط
ع الشط رجلينا
دقت صفارة شؤم
ورفعوا الراية السودا
قدام عينانا
غريق غريق
كأن شب في قلبي حريق
واتحطت الايادي على الوشوش
وتوترت العين واتبلت الرموش
تبص من بعيد
الكل خايف يكون من بينهم
الفقيد
وظهرت الجثة
وآه وألف آه
قمر في عز شبابه
يتخاف عليه من الهوى
مش من الموت ياولداه
والناس بتتكلم والعين
بتتألم
ده كان فاضلله سنه
ويبقى طبيب
واتلم عليه مائة حبيب
وحبيب
وأخته حوريه بيضا
زاينه ببياضها جلا بية سودا
وكلنا بنلف حواليه
زي ما يكون شايفين ملك الموت
والروح في ايديه
خايفين نقرب خايفين نصدق
يعوصنا الموت بايديه
بسرعة يا أخوانا أنتم واقفين ليه
هات انبوبة الغاز
مافيهاش
مافيهاش ؟ ؟؟؟؟؟؟؟؟؟؟؟؟
خلاص مات يابيه
وجريت اسأل وانا الغريب
عن نقطة اسعاف أو طبيب
آه فيه واحده أهيية
واتنين بيلعبوا طاولة من جوه
سلام عليكم يا رجاله
والله فيه عندنا حاله
معاك بطاقة
شيش بيش
العب
ما تقرصش
ما تقرفنيش
معذورين الموت عندهم بقى روتين
مش مشكلة
إيه المحصلة
مليون يموتوا

في ستين
دبش دبش
خشب
ها ها ها ها ها ها
ها ها ها ها ها ها
ووقفت من بعيد
اتفرج ع الفقيد مدفون
في قبر جرايد
وما ها وبتش ارجع
للبنت البضا
اللي زاينه ببياضها
جلا بيتها السودا