مصرى فى الغربه بقلم / شـــاديه يــــاسين

أنا مصرى و فى غربتى تايه

خايف أعود الأقى كل شئ فارق

فارقتك يا مصر و أنا شايل فى قلبى جراحى

خوفت أستنى تدوسينى

قررت أبعد يمكن تنسينى

و سبتك يا مصر لاقيتك ورايا

فى الغربه أسمك معلم معايا

لو قولت أنى مصرى تتغير الوشوش

و أتهان فى لحظه من بشر ما يسويش

بتهان يا أمى لمجرد أنى مصرى

ما هو المصرى كده ملوش حمايه

ما هو أسمك يا مصر فى تأشيرة دخول

بيقول أنى مواطن مذلول

طب أرجع يا بلدى و لا أهرب منك

تعبتى منى و لا أنا اللى تعبت منك

و لو رجعت يا بلدى هلاقى نفس المصير

مواطن درجه ثالثه و ملوش تقدير

أقولك يا بلدى فيكى أو بعيد عنك بتغرب

خلينى فى الغربه أحسن يمكن أشتقالك و أقرب