اللي بنى مصر بقلم / عزة فراج

اللي بنى مصر
اللي بنى مصر كاااان فى الأصل عَرباوى.......( أحمد عرابى )
رَمى الأثاث وقال ياناس الكل يشهد
الحلوة دى بلااااااادى
اللى بنى مصر
كان فى الأصل عَرباوى
جدى الكبير حارب كتير
ولا كان فى يوم جااااانى
اللى بنى مصر
كاااان فى الأصل شرقاوى...................(أدهم الشرقاوى)
طلع الجبل .... خطط رسم
فى الحكمة كان حااااوى
اللي بنى مصر كاااان فى الأصل شرقاوى
كَسر الحديد أشعل حَريق
وما كنش بيدااااوى
اللى بنى مصر
كاااان فى الأصل سعداوى.......................( سعد زغلول )
جَمع لجان......قَفل الميدان
كَبر وقااااال ..... ثورة يا ولاااااادى
اللي بنى مصر
كان فى الأصل سعداوى
هتف وناااادي .....قال نموت
أنا وأنت لبلاااااااادى
اللى بنى مصر
كااااانوا فى الأصل أجدادى