كان زمان بقلم: هشــــام عوض

كان زمان

----------

من زمان حسيت بقلبي كأنه مـــــات

مـ الجراح اللي فـ ضلوعي وذكــــريات

من حكاوي كتير زمنها راح وفـــــــــات

ببقى حاسس إن قلبي مات ساعــات

-

كل مره بحس دقه تقول حنيــــــــــن

أجري ليها تقولي لسه مشتاقينـــــن

للعيون اللي رمتنا للأنــــــــــــــــــين

نظره منهم دوختنا من ســـــــــــكات

-

ليه مقلتيش إن حبك كان خـــــــــداع

كان طريق منك لقلبي للضيـــــــــــاع

كنتِ عارفه بإن أخرتنا الــــــــــــــوداع

ليه جيتيني وقلتى إنتِ الأمنيــــــــات

-

ذكرياتك حرَّمتني بإني أقــــــــــــــول

حتى لو كلمة بحبك بالأصـــــــــــول

كنتِ بتقولي اللي يصبر راح ينـــــــول

وانتِ عارفه بأن حبك أغنيـــــــــــــات

-

أوعي تفتكري إن رجعني الحــــــــنان

أو بفكر إني أرجعلك كـــــــــــــــــمان

كنتِ ذكرى وكان مرجعـــــها الزمـــان

كان زمان يمكن بتحصل معــــــــجزات

-----------------------------------------

شــــــــــــــــــعر :- هشــــام عوض

الثلاثــــــــــــــــاء :- 28-05-2013 م

-----------------------------------------