حكاية حب انحكم عليه بالموت بقلم /محمد ابوحسان

_ سلمي_
اصحي يا احمد
صحي النوم
واغسل وشك
صح صح قوم
البس لبسك ظبط
نفسك يالاقوام
وانده خالتك
واختك وامك
ووعاك تنسي
ام حسام
_ احمد_
خير يا سلمي انشاء الله
_سلمي_
افرح يا احمد
الساعه سبعه
هتقابل عمك علام
علشان تطلب ايدي منه
اوعاك تاني ترجع وتنام
_احمد_
بصي يا سلمي
طرطقيلي ودانك
واسمعي الكلام
انا راجل عيشتي علي كدي واحلامي كلها اوهام
وبجري علي امي واخواتي
وورايا هم مايتلم
يعني ابوكي
مش هيوافق
علشان حالته
الماديه تمام
اسمعي مني ومتعنديش
انا عارف اخلاق علام
_ سلمي_
بس انا يا
احمد هستناك
ناويه اكمل
عمري معاك
ان كان ابويا
عليك موافقش
انا اهرب واكون وياك
شوف كام يوم
بنحب ف بعض
نيجي ونروح
ديما مع بعض
يبقا اذي هيجيلك قلب
وتسبني وتختار البعد
_ احمد_
بس يا سلمي
الحال مش سالك
والعيشه ضنك
اهيه قدامك
انا مش بكذب
اسالي خلتك
وكمان خالك
خديها مني يا
سلمي نصيحه
دوري علي نفسك واحوالك
انتي جميله وست الكل
حلوه ونغشه وقلبك
ابيض ذي الفل
لو جاء اليوم ونصيبك جالك
وافقي وعيشي وربي عيالك
وارضي بقسمه ربك هو القسمهالك
_______________ _______________ ___