ترانيم عاشق"""""""""بقلم : محمود وحيد

 

على قد ما الهوى يحكــى

ويوصف فى هوى العشاق

أنا كل حكاياته

أنا العاشــــق وأنا المعشوق

أنا فرحه وأناتــه

أنا سره اللى مدارى

من الأول وللأخـــــــر

أنا المعلن بكل وضوح

حنينى بجد ع الأخر

يقول ما يقول ولو حتى

يعيد القول

يعدل حرف ويـــــبدل

يعيد القصة من الاول

أنا ثابت وما اتحـــول

أنا الماضى..أنا الحاضر

انا مهجة فؤاد بكرة

أنا سره ودقاتــه

أنا نبض الهوى الساكن

قلوب عاشقين

أنا الكلمة اللى حيرانة

وسهرانــــــــــــــــــــة

ما بين إتنين

أنا عوده وأوتـــــــــاره

أنا كل غناوى الحب

أنا للحب اشعــــــاره

أنا الغرقان فى بحر الشوق

أنا ع الغصن أطيــــاره

أنا الورد أنا الريحــــان

أنا عطره فى كل زمان

أنا لمسه.....أنا همسه

أنا لحنه وترنيمه

انا للحب نبراتـــه

أنا البسمة اللى بتصبح

على خده فى كل صباح

أنا الباقى على عهده

وجوايا لوده بـــــــراح

أنا شاهده ومشهوده

أنا وعده وموعوده

أنا كل حروف اسمه

أنا بدره أنا شمســـه

أنا فرحة لقا أهلــــه

أنا شط الأمان يناديه

وجوه القلب راياته