""""" صعب جداً""" بقلم : محمود وحيد

 

 

 

 

 

 

كلمات استوحيت فكرتها من عمل لشاعرة متألقة هى الشاعرة " ماما نونا"ولكن باسلوبى

""""" صعب جداً""" محمود وحيد

صعب جداً
لما يبقى القلب
شايل كل ده
لما يبقى
المر طافح
يبقى
طعم المر كده
لما يبقى الدمع
سايل
ع الخدود
والهموم تبلغ مداها
لأ
وبتعدى الحدود
لما يبقى الكون
ظلام
والالام تطــــــرح
الام
والكلام مليان
مرارة
بعتروة بين
ده وده

صعب جداً

صعب لما الحلم
يدبل
يقتله طمـــــــــع
البشر
صعب لما القلب
يغفل
خيره يبقى فى لحظة
شر
لما يبقى العدل تايه
او غريق
لما نمشى طريق طويل
ولما نوصل
نبتدى تانى
الطريق
كل يوم نستنى بكره
بس بكرة مش فاكرنا
راضى لينا
نعيش كده

صعب جداً

صعب جدا نبقى صـــوره
مش كيـــــــــــــان
نبقى كلمة ما ليها معنى
كل ما فيها امتهان
نبقى سلعة جوة اسواق
النخاسة
جوة اسواق
التعاسة
يشتروا ويبيعوا فينـــا
ويقولونا
دى السياسة
الف لعنة ع السياسة
اللى قتلت فينا روحنا
وارتضينا
نعيش كده
صعب جدا

6/4/2013