الملك والأجير بقلم: محمد صبحى عمران

الملك والأجير

بقلم: محمد صبحى عمران

الملك

لما نقول بس كفاية

يبقا كفاية

ولما أشاور لك يا أجير

تمشى وراية

متقوليش دستور وشعور

ولا تحكيش وسط النور

احنا القوة ومهما تقول

أصل كلامك مش مسموع

على بيتك يالا واطفى النور

شد طوارىء يا ال غندور

الأجير

ماشى ياسيدى ع العين والراس

خايف يجينا يوم نحتاس

ونلقا بلدنا بضيع منا

ويضحكوا علينا خلق الناس

ويبقا خلاص كاس وداير ع الحراس

ونبقى شربنا نفس الكاس

ويضيع منا هدفنا خلاص

ونرجع تانى للفوضى ياناس

الملك

هى الكعكة حلوة بسكر

ولا طورطة مليانه كريمات

الكل ناظر لينا فى الطبخة

ب اسم معارضة وئتلفات

ولا عجينا فى الدستور

مع جماعتنا ويا النور

ولا أسعار عمالة بتزيد

متقول يا أجير ايش بتريد

الأجير

عاوز مصر أم الدنيا

أمشى فيها وقلبى حديد

عاوز أصرف بس و أعيش

وأعرف أكول رز وعيش

و أعرف أمشى بدون تلطيش

و أرفع راسى وسط الناس

و أقول حرية يا اما بلاش

ويبقا ساعتها هوس خلاص

ال تظاهر ميلزمناش

ونعيش العمر كله وراك

الملك

فى ال حسبان كل كلامك

وناوى أحقق جميع أحلامك

بس نسيب مركبنا تسير

والكل يمشي من التحرير

ونشيل مصالحنا جوا عنينا

ونفادى مصر من التخريب

صح كلامى معاك يا أجير

الأ جير

صح كلامك بس زهقنا

وكنا سعداء بالتغير

بس الاخوه أخطأهم زادت

وزهقونا من التهديد

وسمعونا فى نبرات صوتهم

قيام الحد ليوم الدين

ومش عارفين

ان كلامهم بيجرح فينا

دم شهيد فرحان بالعيد

دم شهيد كان له مطالب

مش مستاهله نزول فى وعييد

ادعى معايا مصر بلدنا

يصونها شبابها من التخريب