عاشـــق كلمات / محمد الشرقاوي‏

 

عاشق أنا بالفطرة
رضعت الحــــــب
نقطـــة نقطـــــــة
ومعاه الأدب كـان
بيحلي الرضعـــــة
علموني احب ديني
وأمي وأبويا واخواتي
وتكون دي بداية عمري
وبيها ابدء خطواتي
علموني في حضرة
الكبير احتراما اطاطي
راســــي
وأن البنت في الشارع اختي
والراجل الكبير عمي وجدي
والطفل الصغير اخويا ولمــا
اكبر يكون بمقام أبنـــــــي
وأن الحب لـه تاج
والتاج هو الولاء
والولاء يكون بس لبلدي
وكل ده تزينه الأخــلاق
مش حروف بلساني
ولا ورد ببستاني
ولا هو كلام اغاني
ولما اقول انا ابن مصر
يتزلزل لهــا كيانـــــي
عاشق رضعت النيل
وطينه طارح جوايــــا
دفا وحب جميـــــل
وكل جوارحي عشقانة
مع نفسي ولولادي
بكتب غنوة تاريخ تحكي
عن روعة بـلادي
ولو قراها غريب
مش حيتردد وينادي
ولو شرب من نيلها
حيتمني يرجع تاني
ومهما طال بينا الأمد
وبرغم كيد الأعادي
حنعيش نرسم بالأمل
اجمل صورة يامصر ليكي
وحتبقي دايما محفوظة
وشعاع منور فوق كل
الأيــــــــــــــادي