مش عارفه : بقلم / سعيد الشوادفى
مش عارفه
..............................
مش عارفه
..............................
مش عارفه هقولها ازاي
وأوصف إحساسي معاه
عارفين إحساس الطفلة
اللي بتفرح باللعبة
اللي أبوها بيجبهالها
وبرقة يبوس الخد
ويداعب شعرها
أنا اكتر بقى بكتير
أنا بنسى الدنيا
يا عالم
وافتكر إن أنا وياه
بشتاقلوا وهو معايا
وبعاتبوا كتير لو غاب
او طال البعد دقايق
واكتبلوا بسرعة جواب
بغرام وأشواق وهيام
ويجيني شايلي ورود
والبسمة سبقا خطاه
مش عارفه هقولها ازاي
وأوصف إحساسي معاه
لو قولت إن أنا بهواه
أكيد راح أكون ظلماه
لكن هكتبلوا واقولوا
راح اكسر أي حدود
وهقولها لكل العالم
انا دايبه في حبك دوب
وبعيش الحب معاك
يا حبيبي يا روحي يا عمري
من غير ما تقول ولا كلمه
الحب اهو بان ف عنيك
من نظرة ولمسة ايد
انا قلبي في لحظه هواه
مش عارفه هقولها ازاي
واوصف احساسي معاه
كلماتي
سعيد الشوادفي
ليست هناك تعليقات