عصيان ... بقلم / ياسمين علي

بقلم / ياسمين علي

 

عصيان

 

اعلنت العصيان المدنى
على نفسى وطيبة قلبى
وكرهت سجنى وسجانى
حسيت بضعفى وهوانى
... ولعنت قيودى واغلالى
امام جبروتك انا ببكى
وسقطت اخر اقنعتى
بالرضا عن حبك
لبست قناعى
وتظاهرت بسعادتى
عشت حزينه فى مدنتيى
خايفة اقرب لنهايتى
محتارة من اى قرار
فاكرة بعدى عنك نار
وطلعت قوية
ومش بنهار
كنت بتزرع جوايا قهرى
كنت بتقلب فرحى لحزنى
انت السيد وانا امينة
امتا تحس بانى حزينة
كان لازم اصرخ واثور
كان لازم غضبى يفور
وانا هعمل لنفسى دستور
و اول بند هـــــقول
تحترم فيا الانسان
وتعاملنى بكل حنان
ثانى بند هقولك
حــــــاســــب
من صرخه انسان مقهور
من جرح فى قلبه بيفور
ثالث بند هقولك
لاء
انا ليا رائ وشعور
مش وحدة بتأدى الدور
ووصلنا لاخر الدستور
وقانونى فى دولة حبى
وده والله مش غرور
انا اصلى بحب بقلبى