أبقوا أنشرونى فوق سطوح البيت
قرب السما ده لما أموت
خلوا عصافير الشجر ترسى على كتافى
تقرا اللى باقى من قصايد فيا
أبقوا أنشرونى والعزا يلغوه
ووزعوا ريحه المورد على قصايدى
الجايه
هى اللى ليا بعد رحله موتى
ابقوا فوتولى السطح ليا لوحدى
انا مخلصتش بكايا عليا
ولا شبعت من الأسى والعشق
لكنها أعمار ودوه معادى
أبقوا انصفونى عمرى كله الظلم
آه يا شهامه وعقدها مفروط
ونا كنت فاكرإنى انصحكو
وادينى رايح بس مش خوطرى
لكن سيبونى ع السطوح متنشر
ليست هناك تعليقات