النجمه الشقيه كلمات / سميره الاسريجى

النجمه الشقيه
------------
وانا ماشيه لوحديا
و ع الكورنيش معديه
لاقيت نجمه بتندهلى
وبتشاور على عنيه
غمزتلها انا بعينى
بكل دلال وحنيه
ضحكتلها وضحكتلى
بقينا اصحاب كدا فى ثانيه
لاقيتها بسرعه جيالى
ونورها سابقها ع الميه
وانا ماشيه على الكورنيش
وفى الخطوه مهديه
شدتنى طلعنا لفوق
لحاجه مستخبيه
لاقيت انه القمر مكسوف
ينادى مالسما عليا
و عيونه قالت كلام
بسعاده وشوق ليا
ولاقيته بعتلى سلام
واتغزل كمان فيا
وبيقولى ياضحكايه
ياوردايه منديه
وبكسوفى مع خوفى
قفلت عنيه انا شويه
وبفتحها
لاقيت نفسى
نايمه ومستغطيه
وع الحيطه هناك صوره
لوش البدر ع الميه
وشباكى كمان مفتوح
ونجمايه مضويه
بتضحكلى بصوت مسموع
ضحكه عليا مش ليا
--------------------------------
سميره الاسريجى
ماما نونه