بحلم ببكره لما ييجى يكون نظيف
مافهوش لاكدب ولا خداع ولا تزيف
وان الفقير لمايجوع يلقى الرغيف
وان القوى ممكن يكون سند الضعيف
بحلم الاقى ان الامان مالى المكان
وانى الاقى العدل موزون بالميزان
بحلم الاقى ان الضمير صوته اتسمع
ومال بلدنا اللى اتنهب جه واندفع
بحلم الاقى الشرع حاكم ارضنا
لاكن يكون شرع الاله
مش شرع واحد مننا
بحلم يامصر بايدى تمسح دمعتك
وبضحكتى—اقدر اطلع ضحكتك
واقدر ازيح كل الصعاب من سكتك
بحلم يامصر بطلتك
تطلع كانور الشمس تحضن رملتك
بحلم بحضنك الغالى بحنانه يضمنا
وايد حنانك بالمحبه تلمنا مع بعضنا
---------
ماما نونه
ليست هناك تعليقات