متهيألى كده"""""""" كلمات / محمود وحيد

 

 

من دقنه وافتل له

خد منه واديله

واقلب عليه خله

ما يمد له إيده

صعب عليه دنيته

خليها شبورة

توه عليه سكته

امحيها م الصورة

قوله العدالة كده

لاجل ما تشبع جوع

والفرح لازمة البكا

اضحك لكن بدموع

عينك على حلمه

خليه يموت جواه

خليه يشوف همه

فوق الهموم ما احلاه

اضحك عليه بحاضر

ما تخافش انا وياك

واسمع لكن صادر

كل الكلام جواك

اللعبة لعبة قول

والعين على لقمتك

قاتل بتوب مقتول

احفر قوام تربتــــــك

افهم بقى المقصود

يا عاشق الضلمة

حبل الهلاك مشدود

من غمة على غمة