هى دى تبقى عيشه : بقلم / ‏‎Wafaa Yasmina‎‏

‏‎Wafaa Yasmina‎‏

هى دى تبقى عيشه؟

هى دى تبقى عيشه

لما احس انى فى حبك

زى ريشه

و فى وسط رياحك

ضعيفه

و بيلعب بيها الهوا؟

هى دى تبقى عيشه

لما احس انى مريض

و عارف ان دواه معاك

بس انت

مانع عنه الدوا؟

هى دى تبقى عيشه

لما اكون مجرد جسد

و روحه هاربه منه 

ما اعرفش فين

و مبترجعش

الا لما نكون سوا

و انت بتغيب باليوم و اليومين؟

هى دى تبقى عيشه

لما استنى منك بسمة

لما اتمنى منك نظرة

لما اترجى منك كلمة

و انت تتجاهلنى بكل قسوة؟

هى دى تبقى عيشه

لما من اى شىء

تعمل ازمة

لما حياتنا تبقى

كلها خصام او معاندة؟

بالشكل ده الحياة

تبقى سخيفه

و لا ليها معنى

و لا حتى لازمة

و الافضل اننا

نبعد من انهارده

وفاء