حكاية الازهرى ======== طربوشك مكوي ومتعلق ويا القفطان ورحتهم فايحه منديه مسك وريحان وكتابك حاضن كرستك وقلم الوان وفطارك جاهز متغلف وميعادك حان *** نزل الازهري وبيتمايل لابس القفطان اصل الازهري رايح الازهر يحفظ قران ماشي في طريقه بيجود سورة لقمان بسلامته راح يطلع رحله ويا الصبيان شاف ست عجوزه وعشمانه ف عطف انسان قالتلو يا ابني انا مكسوره واولادي جعانين ابوهم سبهم ف الدنيا تيهين مسكين ملهمش حبايب ف الدنيا غير الرحمن الأزهري دمع واتاثر بكلام الست قام طلع كل اللى ف جيبه من غير مايعد بسماحه وطيبه وحنيه اداه للست نزلت علي ايدو بكم بوسه من باب الشكر ودعت له ف صحته وف ماله ودوام العمر رجع الازهري طوالى غضبان زعلان مقهور علي الست المحرومه ام الغلمان وحلف ليكون قلبه مزارع خير للغلبان ==========
ليست هناك تعليقات