انا اللى فيا مكفينى بقلم:أحمد محمود

انا اللى فيا مكفينى

وانت يا حبيبي بتكوينى

بنار الالم تعذبنى

وجاى تانى تراضينى

تخلينى اعيش الندم

وترجع تقولى شارينى

حبيتك عشقتك ايوة نعم

بس أمانة فارق بقي عينى

انا اللى فيا مكفينى

الفرحة فارقتنى

والدمعة سبقتنى

والضحكة نسيتها عينى

بدأت بالحب والغرام

وانت نهيت الكلام

وجاى فى حيرتى تواسينى

لا يا حبيبي

انا اللى فيا مكفينى

تجرحنى وازاى تداوى

وانت ع الغدر كنت ناوى

والفرحة فى عينك تساوى

كل عشقى وسنينى

خلاص حان الوداع

قلبك فى ثوانى باع

وحبك يا حبيبي خلاص

مبقاش يقدر يداوينى

ابعد وانسانى

ولا تترجانى

خلاص تاهت المعانى

ماتت الامانى

ولا يقدر قلبك من تانى يداوينى

انا اللى فيا مكفينى
انا اللى فيا مكفينى