أمــى : بقلم / محمد صبحى عمران

‏الشاعر عمران‏

هدية عيد الأم لأجمل 

أم

أمى (المرحلة الأولى)

بقلم محمد صبحى عمران

مين علمنى ومين ربانى

مين سهر العمر عشانى

مين لبسنى ومين حمانى

مين رضعنى وكان عنوانى

مين هننى و يمسح دمعى

مين هنانى ومين دلعنى

مين علمنى أخطى عتبتى

مين ضحكنى ساعت م أبكى

مين علمنى انطق مامى

مين عليها ربنا وصانى

مين غيرك انتى يا امى

مين حبه بيسرى بدمى

مين غيرك انتى يا أمى 

كان عنوان خفية دمى

(المرحلة الثانية)

أمى

موفكيش

مهما افضل او عيش

موفكيش

انتى حبك جوا دمى

مهما اكبر موفكيش

حبك انتى جنب حبى

أموت عشانك ميكفكيش

لو تنادى فى يوم عليا

وقولتى هات ولا ودى

اجرى أسيب ال فى اديا

يانور عنيا وموفكيش

ولو تعبتى أو بعدتى

أموت حزين ومتعرفيش

انتى كل الدنيا ديا

انتى روحى يا نور عنيا

مهما أعمل م أرضكيش

بس يا أمى ادعى ليا

ومن رضاكى كنت أعيش

موفكيش ياحب عمرى 

مهما أكبر أو أعيش

أمى (المرحلة الثالثة)

أهدى حبى كله ليكى

فى عيد ميلادك وأناجيكى

وكل حاجة حلوة فيكى

ومن حنانك ونور عنيكى

نعيش ونفرح حواليكى

بروح جميلة متنتهيش

هى وردة هدية منى

ومهما أهدى مكفكيش

ابنك محمد صبحى عمران