حبة حبة يا ملوانـــــى
دا الجراب مليان وحاوى
والزمن دوار يا خفـــــة
كل من عليها فانــــى
حبة حبة يا ملوانى
حبة حبة اوعاك تصــدق
ان حلمك قد تحقــــــق
دا اللى قبلك حى يرزق
والسبب حبة أمانـــــى
حبة حبة يا ملوانى
حبة حبة بلاش مقاوحة
فيها ايه بس المصارحة؟
دا الأصيل يحلف ويصدق
والخسيس كداب ودانى
حبة حبة يا ملوانى
حبة حبة بلاها كرســـى
حسنى كنت ولا مرسى
فى النهاية القبر بيتــــك
والعمل هو اللى باقــــى
حبة حبة يا ملوانى
حبة حبة بلاش ملاوعـة
بلدى غرقانة وضايعــــة
واللى ثار لاجل الكرامـة
مش هيقبل ظلم تانــى
حبة حبة يا ملوانى
حبة حبة وشور ضميرك
اوعى تسمع حد غيـرك
كلنا وياك لو انـــــــــــت
للعدالة بصدق نــــــاوى
حبة حبة يا ملوانى
ليست هناك تعليقات