يا كل الامهات ..... بقلم / محمود وحيد

بقلم / محمود وحيد

 

يا أمهات كل البشر
فى يو م عيدكم
عيد الحنان والحب
... من قلبى بأهنبكم
كل سنة وإنتم طيبين
كل سنة والحب جواكم
جنب منا قريبين
باقة ورد
متغلفة بكل الود
هدية أتمنى ترضبكم
يا أطيب قلوب البشر
يا خير ....يا حب
يا جنة وربى خلاها
عشان ندخلها نرضيكم
أنا واحد وغير كتير
فى يوم عيدكم
بأغنيكــــــــــــــــــــــم
بأناديكـــــــــــــــــــــــم
باقول ليكـــــــــــــــــــم
يا رب أقدر أوفيـــــــــكم

فضلكم يا أمهات الكون
بنرتله قــــــــــــــــــــــــــران
المولى قاله
والحبيب طه بلغه
كلمة " أف"
لو نقولها
ساعة غضب
تجعل إله الكون غضبــــان
أمك ...ثم أمك ...ثم أمك
قالها تلاتة النبى
من دمها دمــــــــــــــك
للجنة بر أمـــــــــــــــــــان
إياكوا وغضبهــــا
من صد أبوابهـــا
من دمعة تبكيها
وتكونوا أسبابهـا
د الأم بحر حنـــــــــــــــان

أم الحشا طاهـــــــر
تسع شهور جــــــــــواه
والجفن عاش ساهر
عين الإله ترعــــــــــــاه
النبض جوة القلب
بيغنى غنوة حب
بيقول يا رب يعيش
إبنى ويلقى منـــــــــاه
ما يهمهاش المـوت
بس الوليد ما يموت
أصل الوليد للأم
حلم الغريق لنجــــــــاه

شكرا يا أمى كتبر
شكرا يا قلب كبير
فضلك ما لوهش حدود
إن قولت مهمًا قولت
لابد فيه تقصير

يا رب أرضيكــــــــــــــى
وبعمرى أوفيكــــــــــــى
وأسعد بدعوة حب
ألاقيها بعنيكـــــــــــــى
يا وصية الرحمــن
يا نبع خير وحنان
يا نور فى عز الليل
عاشقانا خطاويكـــــى

يا أمهات الكون
عيدكم دا أطيب عيــــــد
يشهد إله الكون
عن حبكم ما نحيــــــــد
دايما على وعدنا
حالفين على حبنا
ما نخون فى يوم العهد
بفضل ما بين جديـــــــد