مساء الخير يابلادي ... بقلم / محمود وحيد

بقلم / محمود وحيد

 

مساء الخير يا بلادى

مساء يا سمرة باندهلـــــــك
...
وباعشق فى الجمال اهلـــك

ومن شوقى باقول اشعـــــار

فى عز القرب باشتاقلــــــك

مساء الخير يا بلادى

مساكى والمسا احـــــــوال

باشوفك كل يوم على حــال

مابين خايف ومطمــــــــــن

بنسأل والإجابة ســــــــؤال

مساء الخير يا بلادى

مساء القدوة ليه غابـــــــــت

وتاهت فى الزحام دابــــــــت

نشوفها فى المساء مولـــود

وويا الصبح تكون شابـــــــت

مساء الخير يا بلادى

مساء قلوبنا اللى محتــــاره

وجوه الساقيـــــــــــة دوارة

لا لاقيه لهمهامرســــــــى

ولا ثابتة على امـــــــــــارة

مساء الخير يا بلادى

مساءك والصمود طبعــــــك

ما شوفتش ف الوجود ربعك

يا سمرة والسمارشامــــة

يدوم نورك يدوم شمعـــــك

مساء الخير يا بلادى